Aise Aane Se To Behtar Tha Na Aana Tera

Aise Aane Se To Behtar Tha Na Aana Tera By Daagh Dehlvi as Follow,

Aise Aane Se To Behtar Tha Na Aana Tera,

le chalā jaan mirī ruuTh ke jaanā terā

aise aane se to behtar thā na aanā terā

apne dil ko bhī batā.ūñ na Thikānā terā

sab ne jaanā jo patā ek ne jaanā terā

jo ai zulf pareshān rahā kartī hai

kis ke ujḌe hue dil meñ hai Thikānā terā

aarzū na rahī sub.h-e-vatan mujh ko

shām-e-ġhurbat hai ajab vaqt suhānā terā

ye samajh kar tujhe ai maut lagā rakkhā hai

kaam aatā hai bure vaqt meñ aanā terā

ai dil-e-shefta meñ aag lagāne vaale

rañg laayā hai ye lākhe jamānā terā

ḳhudā to nahīñ ai nāseh-e-nādāñ merā

kyā ḳhatā jo kahā maiñ ne na maanā terā

ranj kyā vasl-e-adū jo ta.alluq nahīñ

mujh ko vallāh hañsātā hai rulānā terā

ka.aba o dair meñ chashm-o-dil-e-āshiq meñ

inhīñ do-chār gharoñ meñ hai Thikānā terā

tark-e-ādat se mujhe niind nahīñ aane

kahīñ nīchā na ho ai gor sirhānā terā

maiñ jo kahtā huuñ uThā.e haiñ bahut ranj-e-firāq

vo ye kahte haiñ baḌā dil hai tavānā terā

bazm-e-dushman se tujhe kaun uThā saktā hai

ik qayāmat uThānā hai uThānā terā

apnī āñkhoñ meñ abhī kauñd ga.ī bijlī

ham na samjhe ki ye aanā hai ki jaanā terā

yuuñ to kyā aa.egā fart-e-nazākat se yahāñ

saḳht dushvār hai dhoke meñ bhī aanā terā

‘dāġh’ ko yuuñ vo miTāte haiñ ye farmāte haiñ

badal Daal huā naam purānā terā

Related Gazal,

Aise Aane Se To Behtar Tha Na Aana Tera

Leave a Reply

Your email address will not be published.

Scroll to top