Chalne Ka Hausla Nahin Rukna Muhaal Kar Diya

Here is the “Chalne Ka Hausla Nahin Rukna Muhaal Kar Diya” Gazal By Parveen Shakir!

Chalne Ka Hausla Nahin Rukna Muhaal Kar Diya

chalne hausla nahīñ ruknā muhāl kar diyā

ishq ke is safar ne to mujh ko niDhāl kar diyā

ai mirī gul-zamīñ tujhe chaah thī ik kitāb

ahl-e-kitāb ne magar kyā tirā haal kar diyā

milte hue diloñ ke biich aur thā faisla koī

us ne magar bichhaḌte vaqt aur savāl kar diyā

ab ke havā ke saath hai dāman-e-yār muntazir

bānu-e-shab ke haath meñ rakhnā sambhāl kar diyā

mumkina faisloñ meñ ek hijr faisla bhī thā

ham ne to ek baat us ne kamāl kar diyā

mere laboñ pe mohr thī par mere shīsha-rū ne to

shahr ke shahr ko mirā vāqif-e-hāl kar diyā

chehra o naam ek saath aaj na yaad aa sake

vaqt ne kis shabīh ko ḳhvāb o ḳhayāl kar diyā

muddatoñ ba.ad us ne aaj mujh se koī gila kiyā

mansab-e-dilbarī pe kyā mujh ko bahāl kar diyā

Related Gazal,

Chalne Ka Hausla Nahin Rukna Muhaal Kar Diya

Leave a Reply

Your email address will not be published.

Scroll to top