Here is the “Hasti Apni Habab Ki Si Hai” Gazal by Mir Taqi Mir!

Hasti Apni Habab Ki Si Hai

hastī apnī habāb kī sī hai,

ye numā.ish sarāb kī sī hai,

 

nāzukī us ke lab kī kyā kahiye,

pañkhuḌī ik gulāb kī sī hai,

 

chashm-e-dil khol is bhī aalam par

yaañ kī auqāt ḳhvāb kī sī hai

 

baar baar us ke dar pe jaatā huuñ

hālat ab iztirāb kī sī hai

 

nuqta-e-ḳhāl se tirā abrū

bait ik intiḳhāb kī sī hai

 

maiñ jo bolā kahā ki ye āvāz

usī ḳhāna-ḳharāb kī sī hai

 

ātish-e-ġham meñ dil bhunā shāyad

der se bū kabāb kī sī hai

 

dekhiye abr kī tarah ab ke

merī chashm-e-pur-āb kī sī hai

 

‘mīr’ un nīm-bāz āñkhoñ meñ

saarī mastī sharāb kī sī hai

Related Poem,

• Hungama Hai Kyon Barpa Thodi Si Jo Pi Li Hai
• Ku-Ba-Ku Phail Gai Baat Shanasai Ki
• Aap Ki Yaad Aati Rahi Raat Bhar
• Suna Hai Log Use Aankh Bhar ke Dekhte Hain