Here is the “Mohabbat Karne Wale Kam Na Honge” Gazal By Anonymous!

Mohabbat Karne Wale Kam Na Honge

mohabbat karne vaale kam na hoñge,

tirī mahfil meñ lekin ham na hoñge,

 

maiñ aksar sochtā huuñ phuul kab tak

sharīk-e-girya-e-shabnam na hoñge

 

zarā der-āshnā chashm-e-karam hai

sitam hī ishq meñ paiham na hoñge

 

diloñ kī uljhaneñ baḌhtī raheñgī

agar kuchh mashvare bāham na hoñge

 

zamāne bhar ke ġham yā ik tirā ġham

ye ġham hogā to kitne ġham na hoñge

 

kahūñ bedard kyuuñ ahl-e-jahāñ ko

vo mere haal se mahram na hoñge

 

hamāre dil meñ sail-e-girya hogā

agar bā-dīda-e-pur-nam na hoñge

 

agar tū ittifāqan mil bhī jaa.e

tirī furqat ke sadme kam na hoñge

 

‘hafīz’ un se maiñ jitnā bad-gumāñ huuñ

vo mujh se us qadar barham na hoñge

Related Gazal,

• Patta Patta Buta Buta Haal Hamara Jaane Hai
• Chalne Ka Hausla Nahin Rukna Muhaal Kar Diya
• Hasti Apni Habab Ki Si Hai