Tang Aa Chuke Hain Kashmakash-E-Zindagi Se Hum

Tang Aa Chuke Hain Kashmakash-E-Zindagi Se Hum by Sahir Ludhianvi as Follow,

Tang Aa Chuke Hain Kashmakash-E-Zindagi Se Hum

Tañg Aa Chuke Haiñ Kashmakash-E-Zindagī Se Ham

Thukrā Na Deñ Jahāñ Ko Kahīñ Be-Dilī Se Ham

Māyūsī-E-Ma.Āl-E-Mohabbat Na Pūchhiye

Apnoñ Se Pesh Aa.E Haiñ Begānagī Se Ham

Lo Aaj Ham Ne Toḍ Diyā Rishta-E-Umīd

Lo Ab Kabhī Gila Na Kareñge Kisī Se Ham

Ubhreñge Ek Baar Abhī Dil Ke Valvale

Go Dab Ga.E Haiñ Bār-E-Ġham-E-Zindagī Se Ham

Gar Zindagī Meñ Mil Ga.E Phir Ittifāq Se

Pūchheñge Apnā Haal Tirī Bebasī Se Ham

Allāh-Re Fareb-E-Mashiyyat Ki Aaj Tak

Duniyā Ke Zulm Sahte Rahe Ḳhāmushī Se Ham

Related Gazal,

Tang Aa Chuke Hain Kashmakash-E-Zindagi Se Hum

Leave a Reply

Your email address will not be published.

Scroll to top